Cells خلايا

Posted on March 9 2011 by حركة قرفنا

تكوين شبكة عمل

حركة قرفنا حركة مقاومة لا عنفية
تقاوم الظلم والقهر البمارسو المؤنمر الوطنى الفاشي عليك انت وعلى كل السودانيين.
تقاوم العنصرية والقبلية البعملوها ناس الحكومة لى مصالحهم.
تقاوم فساد ناس الحكومة الخلاهم يقومو عمارات بقروش الشعب.
تقاوم إهمال الحكومة للتعليم والصحة.
تقاوم هوس الحكومة بالحروب والدمار.
قرفنا من سياستهم الظالمة واتفقنا انو لازم نسقط المؤتمر الوطنى عشان نرجع بلدنا السرقوها

حركة قرفنا هي حركة لا مركزية
يعنى مافى قيادة لى زول. وده اصطلاح بيعرف بـالحركات عديمة القيادة. في حركات المقاومة السلمية اللاعنفية زي حركة قرفنا بيكون في مجموعات عمل أو خلايا. بتكون مكونة من الأصحاب والقرايب عشان يعتمدو على بعض ويحمو بعض وده كمان هو الضمان الرئيسي لعدم إختراقها وعدم تعطيل الشغل لما تحصل إعتقالات. المجموعات دي بتكون متصلة ببعضها وبينسقوا الشغل سوا عن طريقة جسم تنسيقي.

كل مجموعة من هذه المجموعات ممكن تعمل مقاومة سلمية (وقفات احتجاجية، مظاهرات، مخاطبات عامة، كتابة على الحيط، إلخ). ويكون الجسم التنسيقي بربط المجموعات بى بعضها. وبنسق الشغل المقترح، و بنسق مع القانونيين والإعلاميين.

بإختصار، لو كنت مؤمن بالحرية والعدالة والمساواة وقرفت من الحكومة وعمايلها ومن المعارضة وتحايلها… وداير تعمل جد جد لتغيير الواقع الكعب دا: لِم أصحابك وقرايبك واعملو مجموعة واتصل بينا على البريد الإلكتروني وحنبدأ من هناك.

ياهو ده بريدنا:
mail@girifna.com

ادوات العمل – لتكوين شبكات شبابية ثورية

ملصقات + ندوات مغلقة + تعبئة في الاحياء
التدريب على العمل اللاعنفي المباشر
فعاليات و تجمعات سياسية و غير سياسية
كيفية التعامل مع رجال الامن و الشرطة – اعرف حقك
الاعلام و التوثيق و كيفية الاتصال بالاعلام و المحاميين
التدريب على انواع المقاومة السلمية: ١. الاحتجاج ٢. عدم التعاون ٣. المواجهة

اي عمل لحركة المقاومة السلمية سيقوم على
١. اضعاف مصادر القوة لدى المؤتمر الوطني
٢. تقوية مصادر القوة لدى حركة المقاومة السلمية
٣. جعل عواميد الدعم اكتر حيادية

مصادر القوة
١. السلطة
٢. الموارد البشرية
٣. الموارد المالية
٤. المهارات و المعلومات
٥.عوامل غير ملموسة
٦. العقاب

عواميد الدعم لدى المؤتمر الوطني
١. الامن
٢. الشرطة و الجيش
٣. رجال الاعمال
٤. الاعلام الداخلي
٥. رجال الدين و المساجد
٦. التعليم و الصحة

لمزيد من المعلومات عن المقاومة الاعنفية:

العمل ضمن مجموعة:
http://www.wri-irg.org/node/14001

من الدكتـــاتورية إلى الديمـــقراطية:
http://www.aeinstein.org/organizations38fa.html

كتيب إرشادي للحملات اللاعنفية:
WRI-Arabic.doc

 

Comments are closed.